.png)
Eftirvænting - Maria Callas
- Ágústa Sigrún Ágústsdóttir
- Apr 1
- 3 min read
Updated: Apr 1
Ég hef verið að reyna að komast að því hvar nýja Maria Callas myndin verði sýnd hér á landi. Það er ekkert að frétta, ennþá allavega. Ég bind vonir við Bíó Paradís. Er búin að senda þeim áskorun, sem ég vona að verði tekið vel í.
Það er allskonar efni til á vefnum sem gefur innsýn inn í efnistökin í þessari mynd. Sitt sýnist hverjum. Allt frá því að dissa frammistöðu Angelinu upp í það að tilnefna hana til verðlauna. Myndin komst hins vegar ekki á lista yfir tilnefningar til Óskarsverðlauna.
Ég er búin að sjá myndina...f fann hana á ólöglegri streymisveitu sem ég vil síður auglýsa... Bíð eftir heiðarlegri og löglegri leið til að deila með áhugasömum. Það væri svo gaman að geta horft á þessa mynd saman áður en Maria Callas ferðin í júní verður farin. Ég er sem sagt búin að setja saman ferð til Ítalíu, þar sem dívan er í aðalhlutverki. HÉR er hægt að lesa dagskrá þessarar tónlistarferðar sem er tileinkuð hennii.
Ferðin er að verða fullbókuð, tvö herbergi laus, svo ekki draga lengur að bóka!
Hér er nokkrar klippur úr myndinni
Hér er frásögn Angelinu Jolie um hvernig hún umbreytti sér í Mariu. Becoming MARIA - Featurette - Starring Angelina Jolie og hér lýsir Angelina Jolie, leikstjórinn og fleiri sem koma að myndinni sinni upplifun við nálgun og túlkun á persónunni Maria Callas. 'Maria' | Scene at The Academy (Feat. Angelina Jolie, Steven Knight, Ed Lachman, & More)
Myndir um Maria Callas
Það kom reyndar út önnur mynd um hana árið 2017. Mynd sem bara nafnið Maria by Callas. Sú mynd er byggð á hennar eigin bréfaskriftum og samskiptum sem hafa varðveist.
Í lýsingu á þessari mynd sem er einskonar heimildarmynd segir:
Maria Callas er tvímælalaust þekktasta óperusöngkona sem uppi hefur verið og jafnframt ein sú dáðasta enda bjó hún yfir einstæðum sönghæfileikum og hlaut af þeim sökum viðurnefnið „gyðjan“ eða „hin guðdómlega“. Í þessari vönduðu mynd er farið yfir feril hennar í máli og myndum og mikil áhersla lögð á að hennar eigin orð og sjónarmið komi skýrt fram.
Þessi mynd er ítölsk og er skilgreind sem heimildarmynd. Hún kom út á Ítalíu árið 2023.
Það er hin vinsæla ítalska leikona Monica Bellucci sem leikur stjörnuna. Þar er Mariu fylgt eftir í tónleikarferðalagi og svo er flakka milli þess tíma sem hún var að verða fræg til tímans þar sem hennar frægðarsól var að líða undir lok.
Myndin heitir Maria Callas - Letters & Memoirs og er eftir Tom Wolf og Yannis Dimolitsas.
Það eru komin 10 ár (2015) síðan tilkynnt var um að þessi mynd væri í bígerð en hún er ekki komin út ennþá.
Noomi Rapace átti að leik dívuna og leikstjórinn átti að vera Niki Caro.
Mér skilst að áherslan í þessari útgáfu hafi átt að vera ástarsagan með Onassis.
Árið 2002 kom út mynd eftir engan annan en Franco Zeffirelli sem heitir Callas Forever.
Jeromy Irons leikur í þeirri mynd, en Mariu sjálfa túlkar Joan Plowright.
Myndin fær hræðilega dóma.
Svo er það mynd sem kallast: Maria Callas: The Final Act, þar sem leitast er við að rannsaka hvað það var sem fékk Mariu Callas til að missa röddina.
BBC virðist framleiða myndina og leikstjórinn er Clare Beavan.
Hef mikinn áhuga á að sjá þessa mynd.
Gula pressan
Það eru margir sem hafa áhuga á að vita hvað kom upp á í sambandi Mariu og Onassis, sem giftist henni Jacky Kennedy. Hér getið þið séð nokkrar tilgátur um það.
Aðrir dunda sér við að taka saman heimildir um hennar líf og hér er ein slík samantekt.
Comments