15. - 24. ágúst 2024

2025 Kirgistan ævintýraferð

Kirgistan er staður óspilltrar villtrar náttúru þar sem fólkið heldur enn í fornar hefðir sínar, siði og menningu.

Kirgistan er landlukt ríki í Mið-Asíu með landamæri að Kína í austri, Kasakstan í norðri, Tadsíkistan í suðri og Úsbekistan í vestri. Í fjöllunum búa hirðingjar sem hafa ekki breytt sínum lífsstíl í hundruðir ára. Landið er umkringt Tíbet-fjöllunum sem eru hluti af Himalaya og eru heimkynni hirðingjanna sem hér búa.

Kirgisar eru meirihluti íbúa landsins en þar búa líka stórir hópar Rússa og Úsbeka. Kirgiska er tyrkískt mál og er opinbert mál landsins ásamt rússnesku. 90% íbúa Kirgistans eru múslimar og meirihlutinn aðhyllist súnní íslam. Menning Kirgistans ber merki um áhrif Rússa, Mongóla og Írana.

Íbúarnir eru um 6,5 milljón og býr um 1 milljón þeirra í höfuðborginni Bishkek sem jafnframt er stærsta borg landsins.

Ferðadagskráin er hönnuð fyrir fróðleiksfúst fólk sem vill upplifa eitthvað nýtt og framandi. Markhópurinn er fólk sem hefur áhuga á náttúru og menningu og vill bregða undir sig betri fætinum til að skoða nokkur náttúruundur sem verða á vegi okkar. Fólk sem vill kynnast heimamönnum og upplifa þeirra lífsstíl mun njóta sín vel í þessari ferð.

Gistingin sem boðið er upp á er þægileg og örugg. Í höfuðborginni er gist á 4ra stjörnu hóteli með loftkælingu en önnur gisting er í heimilislegum gistihúsum en auk þess verður gist tvær nætur í hefðbundnum Yurt tjöldum.

Búast má við nokkrum gönguferðum sem geta verið allt frá 2 km upp í 6 km. Gönguferð síðasta daginn er valkvæð. Hámarksfjöldi í ferðinni er 15 manns.

HÉR er hægt að bóka sig í ferðina og greiða staðfestingargjald.

HÉR er facebook hópur fyrir þá sem hafa skráð sig eða eru að gæla við það. Þar deilum við upplýsingum og hitum upp fyrir ferðina.

Kirgistan hefur verið hluti af ýmsum menningarsvæðum og stórveldum. Landið var hluti af Silkiveginum og öðrum verslunarleiðum um Mið-Asíu. Við upplifum m.a. það að fara í gegnum fjallaskarð í 3400m hæð og gista á hinum sögufræga silkivegi.

Ferðaþjónusta er vaxandi í Kirgistan og landið dregur að sér ferðamenn sem vilja uppgötva náttúruna og sögu fólksins sem byggir landið. Síðan árið 2010 er Kirgistan talið stöðugt land fyrir ferðamann og pólitísk vandamál ekki til staðar um þessar mundir. Smáglæpir og þjófnaður eiga á sér stað þar eins og víðast hvar annarsstaðar.

Stuttur pistill um Kirgistan

Pistill um menningararf í Kirgistan

Ágúst mánuður er upplagður til ferðalaga til Kirgistan. Þá er sumar og búast má við hitastigi að meðaltali um 27°C, fer eftir því hvort dvalið er borgum eða í fjalllendi. Kvöldin inn til fjalla eru svöl en í höfuðborginni getur hitinn farið vel yfir 30°C yfir hádaginn. Upp til fjalla þar sem gist er í Yurt tjöldum getur hitastigið á kvöldin og nóttunni farið niður í 5°C. Úrkoma er venjulega ekki mikil á þessum árstíma.

Tímamismunurinn er 6 tímar. Kirgistan er 6 tímum á undan Íslandi.

Handhafar íslenskra vegabréfa þurfa ekki vegabréfsáritun og mega dvelja í landinu í allt að 60 daga. Hópurinn verður að hámarki 15 manns.

Fiðrildaferðir í samstarfi við Flandrr og Mountain Adventure Travel (MAT), ferðaskipuleggjanda í Kirgistan, bjóða upp á þessa nýju og spennandi ferð.

Fiðrildaferðir eru söluaðili ferðanna og sjá um bókanir, innheimtu, skilmála og tryggingar skv. ferðakskrifstofuleyfi nr.2024-031 gefnu út af Ferðamálastofu.

Ferðaskilmálar Fiðrildaferða

Fiðrildaferðir bjóða upp á ferðir til framandi slóða með áherslu á samfélags- og menningarferðaþjónustu.

Fararstjóri f.h. Flandrr er Ágústa Sigrún Ágústsdóttir. Hún hefur mannauðsstjórnun og markþjálfun að aðalstarfi en ræturnar hennar eru í söng og fararstjórn sem hún sinnir jafnhliða öðrum störfum.

Ágústa Sigrún er menntaður leiðsögumaður frá Leiðsöguskóla Íslands og hefur unnið við fararstjórn á Ítalíu, Króatíu og Slóveníu yfir 20 ár. Hún hefur einnig starfað sem leiðsögumaður á Íslandi fyrir ítölsku- og enskumælandi ferðamenn um Ísland. Hún kannar nú nýjar slóðir.

Ágústa Sigrún heldur úti ferðabloggi undir nafninu Flandrr ferðamiðstöð þar sem hún varpar upp áhugaverðum vinklum um ýmislegt tengt ferðalögum: www.flandrr.is

Verð ferðar

509.000 kr. m.v. gistingu í tvíbýli

615.000 kr. m.v. gistingu í einbýli í 8 nætur á hótelum/gistiheimilum en gist í 2 nætur í tvíbýli í Yurt tjöldum.

Innifalið: Flug frá Íslandi til Bishkek til baka. Gisting með morgunverði í átta nætur á hóteli/gistiheimilum og tvær nætur í Yurt tjöldum. Ferðast er á tveimur litlum rútum með loftkælingu. Reyndir bílstjórar fylgja hópnum allan tímann. Enskumælandi staðarleiðsögumaður allan tímann og íslenskur fararstjóri. Allt sem talið er upp í ferðalýsingu, nema annað sé tekið fram. Fullt fæði allan tímann. Einn líter af vatni á hverjum degi.

Ekki innifalið: Þjórfé. Matur um borð í flugvélum á leið til og frá Kirgistan. Áfengir drykkir. Valkvæð dægradvöl og annað sem sérstaklega er tekið fram að sé ekki innifalið í ferðalýsingu.

Hér er kynningarmyndband á ensku um Kirgistan

Dagur 1 - 15. ágúst – Ferðadagur

Flogið er í með Icelandair til Oslo kl. 07:35 um morguninn og þaðan áfram til Istanbúl með Turkish Airlines. Þriðji leggurinn er frá Istanbúl til Manas flugvallar í Bishkek, höfuðborgar Kirgistan. Lent er kl. 04:30 að morgni næsta dags. Þá er klukkan 22:30 á íslenskum tíma.

Dagur 2 – 16. ágúst - Bishkek höfuðborgin - borgarferð

Rútur bíða okkur á flugvellinum þegar við lendum. Um 40 km eru frá flugvellinum til höfuðborgarinnar.

Við innritum okkur eldsnemma um morguninn inn á hótel Plaza, sem er 4ra stjörnu hótel og hvílum okkur eftir flugin. Eftir morgunmat á hótelinu byrjum við borgarferðina okkar. Við heimsækjum Ala-Too torgið sem er hjarta borgarinnar og þar sem ríkissögusafnið er staðsett. Eftir það njótum við þess að ganga um í Eikargarðinum, einum af uppáhalds stöðum heimamanna. Bishkek er þekkt sem grænasta borgin í Mið-Asíu, þökk sé ótal görðum og göngustígum sem gera borgina að frábærum stað til að búa. Við heimsækjum einnig Pobeda-torg, minnisvarða helgaðan sigri Sovétríkjanna í seinni heimsstyrjöldinni.

Eftir hádegismat munum við hafa tíma til að heimsækja markaðinn, Osh bazar. Hér er hægt að upplifa sköpunargáfu og hæfileika handverksfólksins. Um leið og stigið er inn á markaðinn hverfum við inn í austurlenska stemningu með fjölda fólks og mikla fjölbreytni í vörum og litagleði.

Um kvöldið förum við á einn af bestu veitingastöðunum í borginni þar sem við fáum að smakka dýrindis kirgiska þjóðarrétti. Gist á Plaza hótel um nóttina. https://www.plazahotel.kg/ru/

Dagur 3 – 17. ágúst - Haldið til Burana og Chon Kemin þorpsins

Göngutúr: Létt ganga í skóglendi sem endar á fallegum útsýnisstað. 4.5 km, 3 klst., 150 m hækkun/lækkun

Við borðum morgunverð áður en við skráum okkur út af hótelinu. Búast má við um 200 km akstri yfir daginn. Fyrsti hluti ferðarinnar er u.þ.b 1 ½ tími í akstri. Ferðin okkar hefst með heimsókn í Burana-turninn sem er forn bænaturn í Chuy-dalnum í norðurhluta Kirgistan. Hann er staðsettur um 80 km frá höfuðborginni, nálægt borginni Tokmok. Turninn varðveitir muni úr grafreitum, kastalarústir og þrjú grafhýsi. Þetta er allt sem eftir stendur af hinni fornu Balasagyn-borg sem var stofnuð af Karakhanidunum í lok níundu aldar.

Hádegisverð borðum við hjá kirgiskri fjölskyldu á leiðinni, nálægt Burana-turninum. Eftir það höldum við áfram að Chon Kemin-gljúfrinu. Þetta er einstakur staður þökk sé ótrúlegri fegurð og ríkulegri fjölbreytni dýra og plantna. Við skráum okkur inn á hótel og eftir það höfum tækifæri til að ganga upp að Chon Kemin sem er fallegur útsýnisstaður yfir gljúfrið með víðáttumikla fjallasýn.

Einnig er möguleiki að fara í um 2 klst. Útreiðartúr upp fyrir bæinn með leiðsögumanni. (Ekki innifalið í verði ferðar)

Kvöldverð borðum við hjá fjölskyldu á gistiheimilinu. Gist á gistihúsinu Kemin um nóttina. https://maps.app.goo.gl/H2LpgEqgFBA5s1Pu7

Dagur 4 – 18. ágúst - Bærinn Kyzyl Tuu, Issyk Kul lónið, arnarveiðar, Skazka dalurinn, Tosor þorpið

Göngutúr dagsins um Skazka gljúfrin í um 1800m hæð. Ca. 3 km, 1 klst., lítil hækkun/lækkun. Mikilvægt að vera í góðum gönguskóm í þessari göngu.

Í dag munum við halda að Issyk Kul sem er stórt saltvatnslón með dýpi allt að 700m. Búast má við um 230 km akstri yfir daginn og göngu um gljúfur í um 1-2 tíma. Á leiðinni til Issyk Kul munum við stoppa í Kyzyl Tuu þorpinu þar sem heimamenn afhjúpa leyndarmál Yurt tjaldanna og hvernig þau eru búin til. Við fáum tækifæri til að læra af þeim og leggja þeim lið. Fjölskylda þessi hefur stundað þetta einstaka handverk í margar kynslóðir.

Í Bokonbaevo hittum við arnaveiðimann með fuglinn sinn sem er ein af elstu hefðum kirgisa. Við fáum að fylgjast með hraða arnarins og aðferðum við veiðarnar.
Hádegisverður á gistiheimili.

Þá bíður okkar hinn vel faldi Skazka dalur og gljúfur sem eru oft eru kölluð ævintýragljúfrin. Hér má finna klettamyndanir á ótrúlegum skala. Skýjakastalar og allskonar skrýtnar styttur verða á vegi okkar. Við reiknum með um 1-2ja tíma göngu um gljúfrin.

Síðan höldum við áfram til Tosor sem stendur við vatnið.. Hægt er að fá sér sundsprett í vatninu eða hvíla sig á bakkanum. Við borðum saman kvöldverð í Yurt tjaldbúðinni.

Hér í Tosor fáum við að upplifa fyrstu nóttina okkar í Yurt tjaldbúð. Salerni og sturtur eru í sér aðstöðu, útivið.
Myndband frá göngunni um Skaska gljúfrið: https://www.youtube.com/watch?v=CODw4qFjIpk

Dagur 5 – 19. ágúst - Jety Oghuz glúfrið og Karakol bærinn

Göngutúr dagsins: Lagt af stað úr 2.200m hæð, lengd: 5.5 km, 2 klst, 150m hækkun/lækkun. Fyrsti hlutinn er svolítið á fótinn en létt eftir það.

Eftir morgunverð leggjum við af stað til hins fallega Djety Oghuz gljúfurs þar sem við munum verja hálfum degi. Búast má við um 200 km akstri og klukkutíma göngu yfir daginn. Steinninn „broken heart“ varðar innganginn að gljúfrinu á sérstakan og rómantískan hátt. Á efra svæði Djety Oghuz eru einnig fjallavötn og fossar. Gögnutúr dagsins er upp að fossinum sem er í 2.350 m hæð. Málsverður verður í „picnic“ stíl í miðjunni á þessum einstaka stað.

Þegar við komum til bæjarins Karakol heimsækjum við fræg kennileiti eins og rétttrúnaðarkirkjuna og Dungan moskuna. Karakol er fjórða stærsta borgin í Kirgistan, en ásýndar er frekar þorpsleg þar sem tíminn líður hægt og eins og hann hafi staðnað í Sovét-tímanum.

Við heimsækjum Dungan moskuna, einstaka byggingu sem líkist kínverskri pagóðu.
Við höldum áfram til rétttrúnaðarkirkju hinnar heilögu þrenningar, sem trékirkja sem byggð er án þess að nota einn einasta nagla.

Við borðum kvöldverð já Dungan fjölskyldu sem er þjóðflokkur og samfélag múslima sem flutti frá Kína og settist hér að.

Gist er á hóteli sem kallast 79 Hotel.

Dagur 6 – 20. ágúst - Semenovka gljúfrið – Kochkor svæðið

Ganga dagsins: Meðalerfið, nokkur hækkun til að byrja með en svo frekar létt. Lengd: 5.2 km, 500 m hækkun. Tími: 3-4 klst. Lagt af stað úr 2.100 m hæð og endað í 2.600 m hæð.

Akstur dagsins í heildina verða tæpir 300 km.

Eftir morgunverð búum við okkur í göngu en fyrst keyrum við um 100km til Semenovka sem er talinn einn fallegasti staðurinn við Issyk-Kul vatnið. Þar finnum við fyrir furutré og grænar fjallshlíðar og heyrum vatnsniðinn í jökulánum.

Hér komum við að öðru smærra vatni sem er lengra inn í gljúfrinu þar sem við borðum nestispakkann okkar.
Eftir það höldum við á bílum til Kochkor þar sem við kynnumst heimafólki og þeirra lífsháttum. Hér gefst tækifæri til að kynnast listinni við að framleiða hefðbundin filtteppi, sem kallast "Shiyrdak" og "Ala Kiiiz". Aðferðin minnir á ullarþæfingu og afurðin er viðurkennd af UNESCO minjaskrá um óáþreifanlegan menningararf.

Sýnikennsla valkvæð og ekki innifalin í verði ferðar. Um nóttina gistum við á gistiheimilinu Mira eða sambærilegri gistingu.

Blogg um kirgisku filtteppin: https://www.flandrr.is/post/kirgistan-menningararfur

Dagur 7 – 21. ágúst - Son Kul vatnið og Moldo Ashu fjallaskarðið

Eftir morgunverð leiða fallegir vegir okkur til Son Kul vatnsins sem stendur í um 3.000 m hæð y.s. Búast má við um 130 km akstri í dag. Við keyrum yfir Moldo Ashu fjallaskarðið sem er í 3.400 m hæð. Þaðan virðist vatnið fyrir neðan vera örsmátt en eftir því sem við keyrum nær verður okkur ljóst hversu stórt og fallegt það er.

Við komum í Yurt tjaldbúðir við vatnið þar sem við njótum gestrisni hirðingjanna, kynnumst lífsstíl þeirra og siðum. Hér er hægt að slaka á í sólinni og hafa það náðugt í þessum fjallasal.

Möguleiki að fara á hestbak eða panta Kok boru hestasýningu ef áhugi er fyrir hendi. (Ekki innifalið í verði)

Við borðum kvöldverð í búðunum og gistum aftur í Yurt tjöldum um nóttina við Son Ku vatnið. Sameiginleg salerni eru í sér aðstöðu, útivið.

Myndband frá svæðinu þar sem við gistum: https://www.youtube.com/watch?v=6ZbkRpvUJBw

Dagur 8 – 22. ágúst - Kochkor og höfuðborgin Bishkek

Eftir morgunverð búumst við til heimferðar í átt að Bishkek þar sem gist verður á Plaza hotel þar sem ferðin byrjaði. Smátt og smátt nálgumst við höfuðborgina og við höfum tækifæri til að slaka á í rútunni og njóta útsýnisins á leiðinni. Búast má við tæplega 400 km akstri í dag.

Við áum í bænum Kochkor þar sem við fáum hádegisverð hjá fjölskyldu sem þar býr.

Þegar komið er til Bishkek innritum okkur á hótelið en förum svo beinleiðis á markaðinn þar sem hægt er að gera góð kaup, velja gjafir og annað handverk sem gaman væri að taka með sér heim.

Kvöldverður á hótelinu og gisting á Plaza Hotel.

Dagur 9 - 23. ágúst - Bishkek eða Náttúruþjóðgarðurinn í Ala Archa – Bishkek

Hér hafa farþegar val um dægradvöl. Annað hvort er hægt að hafa það náðugt í borginni Bishkek eða koma með í náttúruþjóðgarðinn í Ala Archa sem er í um 40 km fjarlægð frá höfuðborginni. Akstur sem búist er við yfir daginn er um 70 km. Byrjað er að ganga í 2.200m hæð og farið er í göngu upp í 2.665m hæð. Um er að ræða 4-5 km göngu.

Við förum í gönguferð um gljúfrið og virða fyrir okkur fjallasýn. Landslagið er ósnert og 50 tindar skreyta þjóðgarðinn. Hann hefur allt sem má búast má við í svona fjallasal, snævi þaktir tindar, hraðskreiða læki, hásléttur og furuskóga. Allt sem til þarf til að hvíla sig og slaka á eftir góða hringferð um Kirgistan.
Við njótum nestispakkans í þessu ferska lofti á leið inn að fossinum.

Kveðjukvöldverður á veitingastað í Bishkek og gist á Plaza Hotel. Við borðum kannski í fyrra fallinu, því flugið daginn eftir er í bítið.

Dagur 10 – 24. ágúst - Heimferðarflugið – Bishkek – Istanbúl – Osló - Keflavík

Lagt af stað frá hótelinu á flugvöllinn kl. 03:30 . Flugtak kl. 05:55. Flugleiðin heim er í gegnum Istanbúl með Turkish Airlines til Osló. Frá Osló er flogið með Icelandair og áætluð lending er kl. 17:20 sama dag. Við vinnum til baka 6 tíma á heimfluginu.