Ferðabankinn

Ég hef verið fararstjóri í nokkur ár í Króatíu, Slóveníu og Svartfjallalandi og viðað að mér fróðleik sem mér finnst gaman að koma til skila.

​

Hingað er hægt að fara í allskonar útgáfur af ferðalögum. Istría-skaginn býður upp á mjög fallegar ferðir og svo er saga fyrrum Júgóslavíu alltaf umlykjandi. 

​

Söguferð með heimsókn í þekktar borgir eða gönguferðir á söguslóðum eru útfærslur sem auðvelt er að setja í forgrunn ferðarinnar.

​

Ef þú vilt vita meira, sendu mér línu.

​

Í svona ferð er sviðsljósið á tónlist og tónlistarfólk sem tengist Norður-Ítalíu með einhverjum hætti. Þarna fer vel saman mín tónlistarmenntun og áhugi á tónlist af ýmsu tagi.

 

Fararstjóri segir frá tónlistarfólki sem gert hefur garðinn frægan á þessu svæði. Íslenskir söngvarar, Maria Callas, Verdi, Pavarotti og Arenan í Verona koma þar við sögu.

 

Tónlistarlífið á þessum slóðum á sumrin er fjölbreytt og viðburðir tíðir. Listasagan er einnig læsileg við hvert fótmál. 

​

Sendu mér línu ef þú vilt vita meira.

Gardavatn er staður  sem allir elska og þangað er hægt er að koma aftur og aftur uppgötva nýja og spennandi staði í hvert sinn. Það eiga allir sinn uppáhalds bæ og gönguleið við vatnið.

 

Hér er möguleiki að setja saman létta hreyfiferð þar sem áherslan er á að ganga um efri byggðir og skoða Gardavatn frá nýju sjónarhorni. Einnig möguleiki að fara í hefðbundnari ferð með áherslu á að kynnast bæjunum við vatnið og hvað einkennir hvern og einn þeirra.

​

Upplagt fyrir þá sem hafa komið áður til Garda en vilja kynna sér efri byggðir og minna heimsótt svæði við vatnið.

​

Sendu mér línu ef þú vilt vita meira

Inn til fjalla í norðurhluta Toskana er að finna unaðslega miðstöð fyrir útivist og hreyfingu en fegurðin er þar við hvert fótmál.

 

Náttúruunnendur hafa úr nógu að velja en einnig er hægt að fara í hæglætisfrí og bregða svo undir sig betri fætinum í léttar göngur á borð við „gönguleið vatnsins“ og „gönguleið forfeðranna“

 

Svo rifjum við upp blómatíma svæðisins sem laðaði að sér fjölbreytta flóru fólks sem kom hingað til að njóta heilsulindanna og fá innblástur fyrir andann.

​

Sendu mér línu, ef þú vilt vita meira. 

Upplagt fyrir saumaklúbba og vinahópa eða hóp sem kann að njóta lífsins og glæða hugarkætina.

 

Létt hreyfiferð þar sem við smakkröltum um hinar einu sönnu Prosecco hæðir og kynnumst vín og matarframleiðslu í Veneto héraði á Ítalíu með ýmsum hætti.

​

Segja má að landslagið sé eins gómsætt og freyðivínið sem gerði það frægt. Rölt um þessar gjöfulu hæðir er á við vínberja-sinfóníu þar sem gullnu tárin glóa.

​

Viltu koma á óvart með einstakri ferð fyrir fyrir þitt besta fólk? Sendu mér þá línu.

Suður-Afríka er gjarnan kölluð „heimurinn í einu landi“, og það ekki af ástæðulausu. ​Þetta hlýlega og fjölmenningarlega samfélag, einstakt dýralíf, heimsminjastaðir og ólík vistkerfi eru óviðjafnanleg á heimsvísu. Eitt orð fangar þetta allt: fjölbreytileiki.

 

Í ferðinni er líka komið til hæsta konungsríkis í heimi, sem heitir Lesótó. Sögunni eru líka gerð góð skil því hér er Mandela fæddur og Gandhi bjó í Durban í 18 ár. Tveir merkismenn sem setta hafa mark sitt á heiminn.

​

Sérferð fyrir 16-20 manna hóp myndi henta best fyrir svona ferð.

​

 

Ef þú vilt vita meira, sendu mér línu.

​

Ferðadagskráin er hönnuð fyrir fróðleiksfúst fólk sem vill upplifa eitthvað nýtt og framandi.

 

Silkivegurinn er rauði þráður ferðarinnar og tengir saman sögu, menningu og mannlíf þessara heillandi landa.

​

Þeir sem vilja kynnast heimamönnum og upplifa þeirra lífsstíl munu njóta sín vel. Þetta er ferð fyrir þá sem vilja upplifa eitthvað einstakt, fjarri fjöldaferðamennsku, þar sem fornar hefðir, stórbrotið landslag og einstök gestrisni skapa minningar til lífstíðar.

​

Sendu mér línu ef þú vilt ferð fyrir ca. 12-14 manna hóp til Kirgistan eða Úsbekistan eða jafnvel slá því saman og ferðast til beggja landanna.

Marche hérað er eitt best geymda leyndarmál Ítalíu. Sumir segja að Marche sé eins og Toskana var fyrir 50 árum síðan, hrátt en undurfallegt. Hér er enn tækifæri til að upplifa Ítalíu án mannfjöldans.

 

Marche er mitt kjörlendi, þar hef ég stundað nám og ferðast vítt og breitt. Hef komið mér upp mjög góðum samböndum og farið með nokkrar ferðir á mínar uppáhaldsslóðir. 

​

Hér er hægt að fara í bragðlaukaferð eða göngur á slóðum sem rata ekki í ferðahandbækur. Tónlist og harmonikan eru heldur ekki langt undan.

 

Sendu mér línu ef þú vilt vita meira. 

Þetta ítalska hérað með langa nafninu, Friuli Venezia-Giulia, er nyrst og austast á Ítalíu og á landamæri að Austurríki og Slóveníu. Þar verður farið í léttar göngur á landamærum þessara nágrannaríkja.

​

Markhópurinn fyrir þessa ferð er fólk á besta aldri, sem vill létta hreyfingu í fríinu í bland við að kynna sér sögu og atburði sem hafa átt sér stað á landamærunum. Saga svæðisins er margslungin og náttúrufegurðin einstök.

​

Ef þú vilt vita meira, sendu mér línu.

​